Debán de o nombramiento de José Ignacio López Susín como Direutor Cheneral de Politica Lingüística de o Gubierno d’Aragón, o Consello Nazional d’Estau Aragonés considera:
Que a creyazión de a debandita Direuzión Cheneral ye una sobrebuena notizia ta l’aragonés y que ye menister reconoxer que ye un logro de CHA en a suya negoziazión con o PSOE t’apachar o Gubierno d’Aragón.
Que l’aragonés se troba en una situación asabelo mala y que os treballos de a debandita Direuzión Cheneral amenistan o refirme de toz os aragonesofablans y de toz os nacionalistas aragoneses. Ye plegau o tiempo de dixar a un costau biellas pleitinas y aduyar tot lo posible ta que l’aragonés, como luenga nazional d’aragón se beiga reconoxida como se merexe.
Que o Direutor Cheneral trobará lo refirme d’Estau Aragonés en a normalizazión lingüística y social, si ascuita a toda la chen que tienga bella cosa que dizir: filólogos, escritors, conzellos de lugars u asoziazions d’esfensa de l’aragonés, ta recuperar l’aragonés.
Que Estau Aragonés deseya que dende a Direuzión Cheneral se faya una politica nazionalista de defensa de l’aragonés, no sólo que de conserbazión en os lugars do encara se charra, y tamién s’aduye a las asoziazions que preban d’espardir-lo por o suyo territorio istorico, u siga, tot Aragón.
Zaragoza, 31 de chulio de 2015
Consello Nazional d’Estau Aragonés